去左九日西藏,发觉果度D人比川藏D藏民更加虔诚!响条街度,基本上都有机会见到D人磕长头!--一路行一路叩头果只!虽然,我永远吾会记得D咩神咩达赖,不过,我永远记得布达拉宫个厕所!--飞流直下三千尺的感觉--你会见到,个坑可以望到山脚!而且,超级无敌臭!响一个甘神圣的地方,去一次厕所好值得!

  同上次去亚丁稻城比较,衣度D湖好大,好蓝,好靓!但系,没见到甘多雪山,吾可以摸住D雪!上次见到好多牦牛,今次见到好多羊仔同油菜花!D油菜花黄色一大片,后面就系个青海湖,简直正到痹!青藏公路两边都系山同草原,比系川藏公路一路都系奔腾的流水!同弯曲的山路,讲真,睇都睇到闷!

  本黎以为西藏D人只系虔诚的信徒,不过,随住旅游业发达,D人开始自己搭厕所做生意,一蚊一次,真系赚死!一个月起码月入五六千没问题!衣D都叫靠自己劳动!仲有D人,部车一停,就围上黎要钱!连野吃同文具都吾会要!我更加怀念响四姑娘山去丹巴途中,果班见到旅游车都会敬礼的小学生,五千几米某个山顶上面,一个我比左样野距吃,我地仲教距yeah的无名小朋友!

  坐青藏铁路果阵,真系觉得好似将好多景色都重温一次的感觉--雪山,沙漠,好靓好靓的湖,油菜花!仲有果个可可西里无人区,我见到藏羚羊啦--虽然好细粒!仲有果个令我毕生难忘的日落--旁边有彩虹架,映照响沱沱河上面--沱沱河就系长江个起源!虽然,沱沱河D水好浅,流得好慢,就好似我地平时见到D小溪甘!但系,最后,距竟然可以汇成长江,雅鲁藏布江同埋金沙江!真系觉得好伟大啊!不积小流无以成江河!^_^劲啊!

  讲番吃野,简直就系恶劣,D.旅游餐日日都系菜多,而且又吾好吃喔!不过,讲真,就算比我地自己点都吾会好的去边!主要系距地整得难吃!所以,去到西宁,就觉得果度系吃野的天堂!果条吃街D野好吃到爆炸!又便又好吃果只!仲有D水果,只只都好靓!见到D鸡,见到D鱼,见到烧烤,见到炸薯仔!见到第二好饮的酸梅汤--第一好饮响武汉某条街度--再都稳吾翻!

  买左D邮票同水果,几子同萝卜仔翻屋企!

  听日就要返工啦!又要做野!没开工甘耐,应该吾会吾记得挂!好快有相睇!